بزانە ئامێری ئەی تی ئێمی  بانکەکە چەند لە ماڵەکەت یان لە شوێنی کارکردنت نزیکە

بەراوردێك بۆ جۆرە جیاوازەکانی هەژمارە بانکیەکان و تایبەتمەندیەکانیان بکە، وەك، هەژماری پاشەکەوتکردن و هەژماری سپاردەی جێگیر. و سەیرێکی ڕێژەی سوود بکە کە بانکەکان پێشکەشی دەکەن بۆ هەژماری پاشەکەوتکردن و هەژمارەکانی سپاردەی جێگیر چونکە بەمە دەتوانیت داهاتی زیاترت دەستکەوێت. هەروەها بزانە ئەگەر بانکەکە خزمەتگوزاری دیجیتاڵی پێشکەش دەکات یا خود نا چونکە ئەمە کارئاسانی زۆر دەبەخشێت.

بەراوردێك بکە بۆ شەفافیەت سەبارەت بە خزمەتگوزاریە جیاوازەکان، وەك، کرێی بەردەوامبوونی هەژمارەکە و کرێی ئەنجامدانی مامەڵەکان. بگەڕێ بەدوای ئەو هەژمارانەی کە کەمترین تێچووی تیایە بۆ ئەوەی پارەت بەفیڕۆ نەدەیت بۆ تێچووی ناپێویست

شارەزایی پەیدا بکە دەربارەی خزمەتگوزاریەکانی تری بانکەکە: وەك، بانکینگی دیجیتاڵی بۆ ئەنجامدانی مامەڵەکان بەبێ گرفت،  قەرزی کەسی، قەرزی خانوبەرە، قەرز بۆ کڕینی ئوتومبێل، وەبەرهێنان، کڕینی بیمە. دڵنیا بە لەوەی ئەم خزمەتگوزاریانە لەگەڵ ئامانجە داراییەکانت دەگونجێن. ئەگەر پلانی ئەوەت هەیە کە لە داهاتوو قەرز وەرگریت لە بانك ڕێژەی سوودی بانکە جیاوازەکان بەراورد بکە.